Trawsgrifiad

Gweld trawsgrifiad o'r cyfarfod.

 

1    Cyflwyniad, ymddiheuriadau a dirprwyon

 

1.1  Cafwyd ymddiheuriadau gan Llyr Gruffydd.  Nid oedd unrhyw ddirprwyon.

 

2    Cyfoeth Naturiol Cymru - Sesiwn graffu cyffredinol

2.1 Ymatebodd Emyr Roberts a Peter Matthews i gwestiynau gan aelodau'r Pwyllgor.

 

2.2 Cytunodd Emyr Roberts i ddarparu gwybodaeth yn ysgrifenedig am:

• Sut mae'r 209 o erlyniadau a wnaed gan Cyfoeth Naturiol Cymru yn ystod 2013-14 yn cymharu â'r ffigurau ar gyfer blynyddoedd blaenorol;
• Y weithdrefn ar gyfer ymdrin â cheisiadau a wnaed gan adrannau eraill Cyfoeth Naturiol Cymru i sicrhau nad oes gwrthdaro rhwng buddiannau;
• Cylch gwaith y grŵp a sefydlwyd i drafod y Llwybr Arfordir Cymru.

 

3    Papurau i’w nodi

3.1 Nododd y Pwyllgor y cofnodion.

Llythyr gan RSPB Cymru : Bil Cenedlaethau'r Dyfodol

3.2 Nododd y Pwyllgor y llythyr.

Llythyr gan y Gweinidog Cyfoeth Naturiol a Bwyd : Strategaeth Ddwr i Gymru

3.3 Nododd y Pwyllgor y llythyr.

Llythyr gan y Gweinidog Cyfoeth Naturiol a Bwyd  : Effaith economaidd ffermydd gwynt ar dwristiaeth

3.4 Nododd y Pwyllgor y llythyr.

 

4    Cynnig o dan Reol Sefydlog 17.42 i benderfynu gwahardd y cyhoedd o'r cyfarfod ar gyfer eitemau 5, 6 a 7

4.1 Derbyniodd y Pwyllgor y cynnig.

 

5    Cylch gorchwyl arfaethedig ar gyfer ymchwiliadau'r dyfodol

5.1 Cytunodd y Pwyllgor ar gylch gorchwyl ar gyfer ei ymchwiliadau i ailgylchu yng Nghymru ac effeithlonrwydd ynni a thlodi tanwydd yng Nghymru.

 

6    Ymchwiliad i gynigion Llywodraeth Cymru ar gyfer yr M4 ger Casnewydd: Trafod y camau nesaf

6.1 Cytunodd y Pwyllgor i ysgrifennu at Weinidog yr Economi, Gwyddoniaeth a Thrafnidiaeth.

 

7    Rheoli Tir yn Gynaliadwy:  Trafod yr adroddiad drafft

7.1 Trafododd y Pwyllgor yr adroddiad drafft a chytunodd i ystyried unrhyw newidiadau drwy e-bost.